முள் வேலி

பற்று வைத்த பலவும் வெற்று என அறிதல்

பெற்றெடுத்த தாயை பெருந் தீக்கிடுதல்

உற்சாகம் தராத வேலையில் உழைத்தல் 
கடந்ததை நினைத்தே காலத்தை கழித்தல்

அடுத்தவர் உணர்வை அடிவேரில் சிதைத்தல்

காலத்தின் வீச்சில் கனவுகள் தொலைத்தல்

அன்பை மிதிக்கும் அவமதிப்பு பொறுத்தல்

பாசாங்கு செய்வோரை பயன்கருதி சேர்(த்)தல்

நம்பிய உறவுகளின் நாடகம் வெளுத்தல்

வயது போனபின் வாழ்க்கை புரிதல்

வயோதிகத்தின் நிழலில் தனிமை சுடுதல்

இறுதிவரை எதிலும் தெளிவின்றி வாழ்தல்

இருப்பதில் விருப்பம் இறக்கையில் மிகுதல்  

இருந்ததன் சுமையுடன் கங்கையில் கரைதல்