விதி

இணையத்தில் பதிவு செய்த பயணச்சீட்டை
இரண்டு பிரதி எடுத்து வைக்கும் வழக்கம் சிலருக்கு;
பத்து ரூபாய் பெறாத பொருள் என்றாலும்
பல கடை பார்த்து வாங்கும் பழக்கம் பலருக்கு;
முதுமை காலத்தை முன்னரே திட்டமிட்டு
இளமையிலே சேமிக்கும் திட்டம் சிலருக்கு;
பத்து பொருத்தம் இருந்தாலே ஒத்து வரும் என்றெண்ணி
திருமணம் செய்து கொள்ளும் தீர்க்கம் பலருக்கு;
அனைத்திலும் திட்டமிட்டு தவறுகளை செப்பனிட்டு
முழுமையான அர்பணிப்பே முதன்மையான உணர்வென்னும்
முன் ஜாக்கிரதை முத்தண்ணாக்கள் நம்மில் பல பேர்
எதிர்பாரா ஒன்றில் ஏமாறுதல் ஏனோ?