விதி

இணையத்தில் பதிவு செய்த பயணச்சீட்டை
இரண்டு பிரதி எடுத்து வைக்கும் வழக்கம் சிலருக்கு;
பத்து ரூபாய் பெறாத பொருள் என்றாலும்
பல கடை பார்த்து வாங்கும் பழக்கம் பலருக்கு;
முதுமை காலத்தை முன்னரே திட்டமிட்டு
இளமையிலே சேமிக்கும் திட்டம் சிலருக்கு;
பத்து பொருத்தம் இருந்தாலே ஒத்து வரும் என்றெண்ணி
திருமணம் செய்து கொள்ளும் தீர்க்கம் பலருக்கு;
அனைத்திலும் திட்டமிட்டு தவறுகளை செப்பனிட்டு
முழுமையான அர்பணிப்பே முதன்மையான உணர்வென்னும்
முன் ஜாக்கிரதை முத்தண்ணாக்கள் நம்மில் பல பேர்
எதிர்பாரா ஒன்றில் ஏமாறுதல் ஏனோ?

பறந்த காலம்

மீதமிருக்கும் குப்பையிலிருந்து
சேகரித்த குச்சிகள் கொண்டு
கூடு கட்ட பறக்கிறது
வீடு வந்த பறவை;

தாழ்வாக பறந்தோ
சாளரத்தில்  அமர்ந்தோ
நினைவை புதுப்பிக்க
தினமும் வரும் பறவை;

நாமிருப்பது கூடா?
பறவை இருந்த வீடா?