சொல்ல சொல்லி அறிமுகம் ஆகும் சொல்
சொல்லின் பொருளே சொல்லாய் ஆன சொல்
உயிரை ஊனில் வரையும் ஒரு சொல்
பயிராய் விதையில் மறையும் ஒரு சொல்
இடுப்பில் இருத்தி இதயம் பார்த்த சொல்
இளமை வரையில் இமையை காத்த சொல்
மழை போல் மனதை ஈரம் ஆக்கும் சொல்
வயதால் வயதை மெதுவாய் நீர்க்கும் சொல்
இல்லறம் ஆயிடின் இரட்டிப்பாகும் சொல்
துறவறம் போயினும் துறக்க இயலாத சொல்
நல்லவை தன்னில் நாவை அடைக்கும் சொல்
அல்லவை தன்னை அன்பில் உடைக்கும் சொல்
நிகழ்கால வடிவம் நீங்கி போயினும்
பிரயோக படிவம் பழுதாய் ஆயினும்
அரண் போல் நம்மை ஆதரிக்கும் சொல்
பரண் மேல் இருக்கும் பத்திரமான சொல்
